xoves, 25 de xaneiro de 2024

25 de xaneiro

O sol de xaneiro non ten compañeiro.
~ ~ ~ ~ ~
Os pechos son os días 25 a 28 de xaneiro, e anuncian do mesmo xeito o tempo das estacións (primavera, verán, outono e inverno, respectivamente)
~ ~ ~ ~ ~
Celébrase a festa da Candelaria, unha tradición por mor da cal todos os anos se trasladan os santos da igrexa parroquial de Santa Comba á Capela de Vilar.
Santoral: Conversión de San Paulo, Apóstolo
~ ~ ~ ~ ~  
Efemérides:
1554: O xesuíta José de Anchieta funda São Paulo, actualmente, a cidade máis grande do Brasil
1569: O rei Filipe II de España impón a Inquisición en terras da América.
1809: Entran en Ribadeo as tropas francesas, esixindo grande cantidade de alimentos ás aldeas dos arredores.
1831: Independencia da Polonia.
1841: Nace en Marín o filántropo Policarpo Sanz.
1882: Nace Virginia Woolf, escritora inglesa.
1917: Os Estados Unidos compran a Dinamarca as hoxe chamadas Illas Virxes Americanas por 25 millóns de dólares.
Noticia do 25 de xaneiro de 1914
1936: O Partido Galeguista aproba nunha asemblea extraordinaria o seu ingreso na Fronte Popular para concorrer nas eleccións xerais con cinco candidatos galeguistas, Castelao, Alexandre Bóveda, Xerardo Álvarez Gallego, Ramón Suárez Picallo e Antón Vilar Ponte.
1943: Morre Federico Guillermo Maciñeira e Pardo de Lama, historiador e xeógrafo.
1947: Morre Al Capone, gangster estadounidense
1979: Nace Dani Mallo, futbolista galego.
~ ~ ~ ~ ~
Non sexas sempre rigoroso nin sempre brando e escolle o medio entre estes dous extremos; que niso esta o punto da discreción. 
Cervantes 
~ ~ ~ ~ ~

Ningún comentario: